撞正8號風球｜蔡一傑生蛇錯怪按摩技師「嗱喳」 兩日蔓延上半身：真係痛到命都冇

蔡一傑去年初在YouTube創立網上烹飪節目《傑少煮意》，不過最近一條片入面佢就唔係教大家煮嘢食，而係分享自己「生蛇」（帶狀疱疹）嘅經歷；佢又搵嚟不幸有過兩次「生蛇」經驗嘅鄭丹瑞（阿旦），分享當時嘅經歷。

{{hket:inline-image name="121372757_159873742489083_4192356934128090093_.jpg"}}{{/hket:inline-image}}

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

蔡一傑表示自己由細到大都未試過「生蛇」，但好不幸喺幾星期前「生蛇」。佢話事緣係屋企隔籬左右同樓上樓下一共有5個單位裝修，搞到冇覺好瞓。佢瞓唔到覺於是決定早上5點上山跑步，跑完之後好精神，如是者跑咗兩日。點知到第二日，晏晝時佢頸同膊頭有肌肉疼痛嘅感覺，蔡一傑一開始以為係因為自己做得運動多先會咁，於是就去搵按摩師按摩。

{{hket:inline-image name="choi.png"}}{{/hket:inline-image}}

佢形容當時情況：「佢一捽落嚟，我由頸痛到手肘，以前未曾痛成咁。但我不以為意，原來係神經痛。我沖完涼瞓落床，左半邊頭有偏頭痛嘅感覺；由後頸髮腳黑點開始腫。瞓醒之後有水泡，就以為係按摩師冇洗乾淨手幫我按摩，最後發現錯怪好人。」

之後蔡一傑就去咗睇醫生，當時醫生話：「蔡先生，希望你最好係發炎啦，最怕係生蛇。」點知蔡一傑個晚瞓覺就感到越嚟越痛，原來真係生蛇！「由頭痛到頸，原來已經伸延到胸口同背部，真係痛到命都冇。」佢憶述第二日仲要打8號風球，「即刻打畀醫生，佢即刻幫我睇，開咗特效藥，個日真係慘，又打風、又冇嘢食、又眼瞓、又痕……到天光發現生蛇已生到手臂，於是就打電話畀第個醫生，佢就開咗第二隻特效藥畀我。」

蔡一傑又訪問咗不幸有過兩次「生蛇」經驗嘅阿旦，阿旦指第一次「生蛇」是在三、四十歲時，由背部開始發作。「生完先知咩嚟，個時冇睇醫生，只係搽藥膏就痊癒，但因冇正確處理佢而留有疤痕，後尾中醫師開咗藥，飲完先好番。」至於第二次係十幾年前，當時阿旦經歷喪母之痛，佢臨飛去外地辦理母親後事前一晚，佢不幸再度「生蛇」，仲生到上臉。阿旦一落機就去睇醫生，即刻打針控制病情，辦理完母親後事後再趕返港拍劇。

{{hket:inline-image name="b7e130d4aac29918be1bbbe13d278ea0.jpg"}}{{/hket:inline-image}}

最後阿旦強烈建議大家去打預防針，蔡一傑聽到後就話將會去打，阿旦亦提醒佢要好番晒先打得。

{{hket:inline-image name="choi13.png"}}{{/hket:inline-image}}

去年「生蛇」｜黎瑞恩發燒肚痛憂胰臟腫瘤翻發 「我諗時間都差唔多喇！」【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

撰文：林惠珊